FIFA prezidenti “Qarabağ”ı təbrik etdi

 02:30 28.07.2022     958

FIFA prezidenti Canni İnfantino “Qarabağ”ı UEFA Çempionlar Liqasının III təsnifat mərhələsinə vəsiqə qazanması münasibətilə təbrik edib.

Redaktor.az xəbər verir ki, bu barədə klubun mətbuat xidmətinin rəhbəri Gündüz Abbaszadə bildirib.

Funksioner İsveçrədə “Sürix”lə 2:2 hesablı heç-heçə ilə başa çatan II təsnifat mərhələsinin cavab oyunundan sonra Ağdam təmsilçisinin idarə heyətininin üzvü Fevzihan Arasa qələbə və mübariz oyun münasibəti ilə təbriklərini çatdırıb və uğurlar arzulayıb.

Qeyd edək ki, “Qarabağ” Bakıdakı ilk matçda “Sürix”ə 3:2 hesabı ilə qalib gəlmişdi. Ağdam təmsilçisinin III raunddakı rəqibi Macarıstan “Ferentsvaroş”u olacaq.