Millimiz Moldovaya ikinci qolu vurdu - YENİLƏNİB
Futbol üzrə Azərbaycan milli komandası yoldaşlıq oyunu keçirib.
Redaktor.az-ın məlumatına görə, 2024-cü il Avropa çempionatının seçmə mərhələsinə hazırlıq xarakteri daşıyan matçda rəqib Moldova yığması olub.
Kişineudakı "Zimbru" stadionunda oynanılan görüş Canni De Byazinin baş məşqçi olduğu kollektivin 2:1 hesablı qələbəsi ilə başa çatıb.
Moldova yığması əsas vaxta əlavə olunmuş 2-ci dəqiqədə qol vurmağı bacarıb. Meydan sahiblərinin futbolçusu Nikita Motspanın qolu ilə fərqi azaldıblar.
Qeyd edək ki, Azərbaycan yığması noyabrın 20-də isə Şimali Makedoniyanın qonağı olacaq.
***
Kişineuda Moldova və Azərbaycan milli komandaları arasında keçirilən yoldaşlıq oyununda hesab dəyişib.
Redaktor.az xəbər verir ki, Aleksey İsayev 42-ci dəqiqədə ikinci topu meydan sahiblərinin qapısından keçirib.
***
Kişineuda Moldova və Azərbaycan milli komandaları arasında keçirilən yoldaşlıq oyununda hesab açılıb.
Redaktor.az xəbər verir ki, 28-ci dəqiqədə Emin Mahmudov yığmanı önə çıxarıb.
***
Kişineuda Moldova və Azərbaycan milli komandaları arasında beynəlxalq yoldaşlıq oyunu başlayıb.
Redaktor.az xəbər verir ki, "Zimbru" stadionundakı qarşılaşmanı ukraynalı FIFA referisi Denis Şurman idarə edir.
Bizi Telegram-da izləyin...
