Pelenin son vəziyyəti açıqlandı

 23:25 12.12.2022     272

Üçqat dünya çempionu Pelenin səhhəti yaxşılaşır.

Redaktor.az xəbər verir ki, bu barədə San-Pauludakı Albert Eynşteyn xəstəxanasının mətbuat xidməti xəbər verib.

Lakin 82 yaşlı braziliyalının ambulator müalicə üçün xəstəxanadan nə vaxt buraxıla biləcəyi hələlik məlum deyil.

“Xəstə sağalmada doğru gedir. Onun vəziyyəti yaxşıdır, həkim nəzarətindədir və huşu yerindədir”, - məlumatda deyilir.

Qeyd edək ki, əfsanəvi futbolçu bağırsaq xərçəngindən əziyyət çəkir. Onun vəziyyəti kəskin respirator virusa yoluxduqdan sonra daha da pisləşmişdi.