"Real Madrid" Braziliyanın yeni "Pelesi" üçün 60 milyon avro ödədi - VİDEO
İspaniya "Real Madrid"i Braziliyanın “Palmeyras” komandasında çıxış edən 16 yaşlı futbolçu Endriki heyətinə qatıb.
Redaktor.az klubun rəsmi saytına istinadən xəbər verir ki, gənc hücumçu ilə 5+3 illik müqavilə imzalanıb.
Madrid təmsilçisi bu keçid üçün qarşı tərəfə 60 milyon avro təzminat ödəyəcək. "Real Madrid" 12 milyon avroluq vergi ödənişini də öz üzərinə götürüb.
Qeyd edək ki, Braziliyanın U-16 yığmasının şərəfini qoruyan Endrik 2024-cü ilin yayında, 18 yaşı tamam olanda "kral klubu"na qoşulacaq.
16 yaşlı hücumçu "Palmeyras"la Liqanın qalibi olub və Braziliya çempionatının üzə çıxaran oyunçusu seçilib.
Qeyd edək ki, əsl adı Endrik Felipe Moreira de Sousa olan 2006-cı ilə təvəllüdlü gənc istedad Braziliyada yeni Pele adlandırılır və o, dünya futbolunun yüksələn ulduzlarındandır. 16 yaşlı hücumçu "Palmeyras" komandası ilə ölkə çempionatının qalibi olub və Braziliya çempionatının kəşf oyunçusu seçilib.
Bundan əlavə, o, artıq gəncliyi üçün bir neçə klub rekordu qırıb. O, Palmeyras tarixində əsas komandada debüt edən (bunu 16 yaş, iki ay və 15 gündə etdi) və qol vuran (16 yaş, üç ay və dörd gündə) ən gənc oyunçudur. Və o, klubun bütün kateqoriyalarında titul qazanan yeganə oyunçudur.
Tunar Altunbay
Bizi Telegram-da izləyin...
