Messi dünya çempionatından sonra PSJ ilə ilk qolunu vurdu
Argentinalı superulduz Lionel Messi dünya çempionatından sonra Fransa Liqasındakı əla formasını davam etdirir.
Redaktor.az xəbər verir ki, "Paris Sen-Jermen"in (PSJ) "Angers"i 2-0 məğlub etdiyi matçda argentinalı ulduz komandasının ikinci qoluna imza atıb.
Liqa 1-in 18-ci həftəsində lider PSJ-yə qələbə qazandıran qolları 5-ci dəqiqədə Uqo Ekitike və 62-ci dəqiqədə Lionel Messi vurub.
Qeyd edək ki, bu, Messinin Qətərdəki dünya çempionatından sonra PSJ-də ilk oyunu və ilk qolu olub.
Xatırladaq ki, PSJ 47 xal ilə birinci, "Angers SCO" isə 8 xalla sonuncu yerdədir.
Nərmin VÜQARQIZI
Bizi Telegram-da izləyin...
