Serxio Ramos millidəki karyerasını başa vurdu
"Pari Sen-Jermen"in müdafiəçisi Serxio Ramos İspaniya millisindəki karyerasını başa vurub.
Redaktor.az xəbər verir ki, o, bu barədə İnstaqram səhifəsində özü məlumat verib.
İspaniya millisi ilə vidalaşmağın vaxtı gəldi - deyən 36 yaşlı futbolçu yazıb:
"Bu səhər mənə İspaniya millisinin baş məşqçi Luis de la Fuente zəng vurdu və o, göstərə biləcəyim səviyyədən asılı olmayaraq məni milliyə çağırmayacağını söylədi. . Çox təəssüf edirəm ki, bu, daha uzun sürəcəyini ümid etdiyim səyahətin sonu oldu."
Ramos İspaniya millisinin oyun sayına görə rekordçusudur, millinin tərkibində 180 dəfə meydana çıxıb.
İkinci yerdə qərarlaşan "Real Madrid"in və "Portu"nun keçmiş qapıçısı İker Kasilyas 167 oyun keçirib.
Ramos 2010-cu il Dünya Çempionu, 2008 və 2012-ci il Avropa Çempionatının qalibidir.
Ramos 2021-ci ildən PSJ-də çıxış edir, bundan əvvəl Real Madrid və İspaniyanın “Sevilya”sında çıxış edib. Müdafiəçi beşqat İspaniya çempionu, iki dəfə İspaniya kubokunun qalibi, dörd dəfə İspaniya Superkubokunun qalibi, dörd dəfə Çempionlar Liqasının və Klublararası Dünya Çempionatının qalibi, üçqat UEFA-nın qalibidir. Superkubok, Fransa Superkubokunun çempionudur.
Tunar Altunbay
Bizi Telegram-da izləyin...
