"Mançester Yunayted"in son 92 ildə biabır olduğu oyun
İngiltərə Premyer Liqasında XXVI tura yekun vurulub.
Redaktor.az xəbər verir ki, turun son oyununda "Liverpul" "Mançester Yunayted"i qəbul edib. Mersisayd təmsilçisi "Enfild" stadionunda keçirilən qarşılaşmada 7 cavabsız qolla qələbə qazanıb.
Hesabı 43-cü dəqiqədə Kodi Qakpo açıb. 4 dəqiqə sonra Darvin Nunyes qonaqları yenidən meydanın mərkəzinə dəvət edib. 50-ci dəqiqədə Qakpo dubl müəllifi olub. 66-cı dəqiqədə Məhəmməd Salah 4-cü topu "qırmızı şeytanlar"ın qapısından keçirib. 75-ci dəqiqədə Nunyes özünün 2-ci, komandasının 5-ci qolunu vurub. 83-cü dəqiqədə Salah dubl edib. Son nöqtəni isə 88-ci dəqiqədə Roberto Firmino qoyub - 7:0.
Daha əvvəl eyni hesabla “Bləkbern” (1926), “Aston Villa” (1930) və “Vulverhempton”a (1931) məğlub olan “Mançester Yunayted” tarixində dördüncü dəfə 0:7 hesabı ilə məğlub olub.
Bu nəticə klub tarixində ən böyük hesablı məğlubiyyətdir.
Bu qələbə ilə xallarını 42-yə çatdıran "Liverpul" 5-ci pilləyə yüksəlib. 49 xalı olan "Mançester Yunayted" isə 3-cü sırada qərarlaşıb.
Qeyd edək ki, turnir cədvəlinə 63 xalla "Arsenal" başçılıq edir.
Bizi Telegram-da izləyin...
