“Bavariya” ardıcıl 11-ci dəfə Bundesliqa çempionluğunu qazandı
“Bavariya” Almaniya Bundesliqasında ardıcıl 11-ci çempionluğunu qazanıb.
Redaktor.az xəbər verir ki, Münhen təmsilçisi XXXIV – sonuncu turda “Köln” üzərində 2:1 hesablı səfər qələbəsi əldə edərək, buna nail olub.
Dortmund “Borussiya”sının son turda “Maynts”la qarşılaşmada büdrəməsindən (2:2) lazımınca yararlanan Tomas Tuxelin rəhbərlik etdiyi “Bavariya” mövsümü 71 xalla zirvədə başa vuraraq, ümumilikdə 33-cü dəfə Almaniya çempionluğuna yiyələnib.
Qızıl medalları son anda əldən verən dortmundlular da mövsümü 71 xalla tamamlayıblar. Lakin həm şəxsi oyunlarda, həm də top fərqində “Bavariya”dan geri qalan “Borussiya” ikinci yerlə kifayətlənib.
Bizi Telegram-da izləyin...
