Messi qərarını AÇIQLADI

 20:10 03.06.2023     556

Lionel Messi PSJ-ni tərk edəcək.

Redaktor.az xəbər verir ki, bu barədə argentinalı futbolçu özü açıqlama verib.

“PSJ-ni təmsil etmək fürsətim olduğu üçün xoşbəxtəm. Bu komandada, belə yaxşı oyunçularla oynamaq mənə çox xoş idi. Parisdəki möhtəşəm təcrübəyə görə kluba təşəkkür edirəm”, - deyə L.Messi söyləyib.

Messi 2021-ci ilin yayında “Barselona”dan ayrıldıqdan sonra azad agent kimi PSJ-yə keçib. O, klubun heyətində bütün turnirlərdə 74 oyun keçirib, 32 qol, 35 məhsuldar ötürmə ilə yadda qalıb. Messi PSJ-də iki dəfə Fransa çempionu olub, bir dəfə isə ölkə Super Kubokunu qazanıb.