Rus idmançının əlini sıxmayan ukraynalının diskvalifikasiyası ləğv edildi
Beynəlxalq Qılıncoynatma Federasiyasının (FIE) İcraiyyə Komitəsi Milanda (İtaliya) keçirilən dünya çempionatında Ukrayna təmsilçisi Olqa Harlanın diskvalifikasiyasını ləğv edib.
Redaktor.az “Ukrinform”a istinadla xəbər verir ki, İtaliyanın “La Repubblica” nəşrinin məlumatına görə, FIE beləliklə Beynəlxalq Olimpiya Komitəsinin (BOK) çağırışına cavab verib.
Ukraynalı iyulun 29-da keçiriləcək komanda turnirində mübarizə apara biləcək.
Xəbər verdiyimiz kimi, qılıncoynadan Olqa Harlan Milanda (İtaliya) keçirilən qılıncoynatma üzrə dünya çempionatının startında rusiyalı Anna Smirnovanı məğlub edib (15:7). Qarşılaşmadan sonra Ukrayna təmsilçisi rus qadınla əl sıxmaqdan imtina edib, o da öz növbəsində ukraynalı qadının “hörmət göstərməməsi” səbəbindən etiraz edib. Buna görə Beynəlxalq Qılıncoynatma Federasiyası (FIE) Harlanı dünya çempionatından diskvalifikasiya edib.
Qeyd edək ki, FIE-nin prezidenti rusiyalı iş adamı Əlişir Usmanovdur.
Turan İSMAYIL
Bizi Telegram-da izləyin...
