Azərbaycanda bu kanal da Çempionlar Liqasının oyunlarını yayımlayacaq

 15:29 30.08.2023     423

UEFA Çempionlar, Avropa və Konfrans Liqalarının oyunları İctimai Televiziyada yayımlanacaq.

Redaktor.az xəbər verir ki, bu barədə İctimai TV-nin feysbuk səhifəsində paylaşım edilib.

"2023/2024 mövsümündə Çempionlar, Avropa və Konfrans Liqalarının oyunları İctimai Televiziyada yayımlanacaq. “Saran Media” və ölkə ərazisində turnirin əsas yayımçısı CBC Sport telekanalı ilə əldə etdiyimiz razılaşma əsasında qeyd olunan turnirlərdə yarımfinal mərhələsinə kimi paralel keçirilən görüşlər İctimai Televiziyanın canlı efirində futbol həvəskarlarına təqdim olunacaq. Anlaşmaya əsasən hər oyun həftəsində 3 qarşılaşma telekanalımızda canlı yayımlanacaq.

Bu gün Çempionlar Liqasının cavab pley-off qarşılaşmaları çərçivəsində keçiriləcək “Kopenhagen” (Danimarka)-“Rakov” (Polşa) oyununu da saat 23:00-dan başlayaraq İctimai Televiziya vasitəsilə izləyə bilərsiz. Xoş seyirlər!", - deyə paylaşımda qeyd edilib.