Messidən daha bir rekord
Argentina millisinin futbolçusu Lionel Messi daha bir rekorda imza atıb.
Redaktor.az Beynəlxalq Futbol Tarixi və Statistikaları Federasiyasının (İFFHS) rəsmi saytına istinadən xəbər verir ki, 36 yaşlı hücumçu buna Ekvadora 1:0 hesabı ilə qalib gəldikləri DÇ-2026-nın seçmə mərhələ matçında nail olub.
Komandasının yeganə qoluna imza atan təcrübəli forvard 6 fərqli dünya çempionatının həm final, həm də seçmə mərhələsində fərqlənən ilk futbolçu kimi tarixə düşüb.
| Futbolçu | Ölkə | Say | Fərqləndikləri mundiallar və seçmə mərhələlər |
| Lionel Messi | Argentina | 6 | 2006(0+1), 2010(4+0), 2014(10+4), 2018(7+1), 2022(7+7), 2026(1+0) |
| Rassell Latapi | Trinidad və Tobaqo | 5 | 1990(0+0), 1994(1+0), 1998(3+0), 2002(3+0), 2006(1+0), 2010(1+0) |
| Karlos Ruiz | Qvatemala | 5 | 2002(8+0), 2006(10+0), 2010(6+0), 2014(6+0), 2018(9+0) |
| Kriştianu Ronaldu | Portuqaliya | 5 | 2006(7+1), 2010(0+1), 2014(8+1), 2018(15+4), 2022(6+1) |
Bizi Telegram-da izləyin...
