“Qarabağ” "Hakken"ə qalib gəldi - Avropa Liqası
"Qarabağ" UEFA Avropa Liqasının qrup mərhələsində növbəti oyununu keçirib.
Redaktor.az xəbər verir ki, Qurban Qurbanovun baş məşqçi olduğu komanda II turda İsveçdə "Hakken"in qonağı olub.
“Ullevi” stadionundakı qarşılaşma Azərbaycan təmsilçisinin qələbəsi ilə başa çatıb - 1:0. 70-ci dəqiqədə Juninyo Olavio Yassin Benzianın ötürməsindən sonra topu qapıdan keçirib.
İlk turda Bakıda "Molde"ni 1:0 hesabı ilə məğlub edən Azərbaycan təmsilçisi xallarının sayını 6-ya çatdırıb.
H qrupunun digər görüşündə Almaniyanın "Bayer 04" komandası Norveçdə "Molde"yə qalib gəlib - 2:0. Altı xala malik olan Leverkuzen klubu qolların nisbətində "Qarabağ"ı üstələyir və liderliyini davam etdirir. "Molde" və "Hakken"in isə xalı yoxdur.
***
İsveçdə “Hakken” və “Qarabağ” komandaları arasında keçirilən UEFA Avropa Liqasının qrup mərhələsinin II tur oyunu start götürüb.
Redaktor.az-ın məlumatına görə, “Ullevi” stadionundakı qarşılaşma Bakı vaxtı ilə saat 23:00-da başlayıb.
Görüşü avstriyalı FIFA referisi Sebastian Qishamer idarə edir.
H qrupunun digər matçında Almaniyanın “Bayer 04” kollektivi Norveçdə “Molde” ilə üz-üzə gəlir.
Bizi Telegram-da izləyin...
