UEFA yarımçıq qalan Belçika - İsveç matçı barədə qərar verdi
AVRO-2024-ün seçmə mərhələsi çərçivəsində Brüsseldə baş verən terror aktına görə yarımçıq qalan Belçika - İsveç oyunu davam etdirilməyəcək.
Redaktor.az xəbər verir ki, UEFA yekun nəticə kimi matçın dayandırıldığı vaxt tabloda olan 1:1 hesabının qeydə alındığını açıqlayıb.
Xatırladaq ki, oyun oktyabrın 16-da Brüsseldə baş tutub. Qarşılaşma zamanı şəhərin mərkəzində terror aktı nəticəsində İsveç millisinin iki azarkeşinin həlak olması məlum olub. İlk hissə 1:1 hesabı ilə başa çatandan sonra oyun davam etdirilməyib.
Qeyd edək ki, belçikalılar 2024-cü il Avropa çempionatına vəsiqəni hələ bu oyundan əvvəl təmin etmişdilər.
Bizi Telegram-da izləyin...
