Andrey Lunyovun durumu bilindi
"Qarabağ"ın zədəli qapıçısı Andrey Lunyovun durumuna aydınlıq gəlib.
Redaktor.az TASS-a istinadən xəbər verir ki, ötən gün Avropa Liqasının qrup mərhələsinin 4-cü turunda "Bayer"lə görüşdə (0:1) zədələnən rusiyalı qolkiper təxminən 14 gün yaşıl meydanlardan kənarda qalacaq. Bu haqda Ağdam təmsilçisinin həkimi Gena Kislari bildirib. O, qapıçının Rusiya millisinin qarşıdakı təlim-məşq toplanışına da qatıla bilməyəcəyini qeyd edib.
Qeyd edək ki, Lunyov bu mövsüm "Qarabağ"ın heyətində 9 oyunda iştirak edib, 9 qol buraxıb.
Əlavə edək ki, noyabrın 20-də Rusiya millisi Kuba ilə yoldaşlıq oyunu keçirəcək. Görüş Volqoqradda baş tutacaq.
Bizi Telegram-da izləyin...
