Arda Güler "Bayer"ə icarəyə getməyi rədd etdi
"Real" futbolçusu Arda Güleri qış transfer pəncərəsində hər hansı kluba icarəyə göndərməyi planlaşdırmır.
Redaktor.az xəbər verir ki, bu barədə AS nəşri məlumat yayıb. Bildirilib ki, Türkiyə millisinin üzvü bu mövsüm Madrid təmsilçisində zədə səbəbindən debüt etməsə də, klub onu komandada saxlamağa qərar verib.
Xəbərdə o da qeyd olunub ki, bu mövsümün əvvəlində Arda "Bayer"də icarə əsasında oynamağa yaxın olub. Ancaq məşqçi heyəti və futbolçu bu təklifi rədd edib.
"Real"ın A.Gülerə zədəsini tam sağaltdıqdan sonra şans verməyi düşündüyü vurğulanıb.
Qeyd edək ki, A.Güler Madrid klubunda 3 dəfə zədələnib və hələ də meydana çıxmayıb.
Bizi Telegram-da izləyin...
