“Hekken”in baş məşqçisi istefa verir
"Qarabağ"ın Avropa Liqasının qrup mərhələsindəki rəqibi "Hekken" tezliklə baş məşqçisiz qala bilər.
Redaktor.az "Aftonbladet"ə istinadən xəbər verir ki, komandanın baş məşqçisi Per-Matias Höqmo bu gün klubdan getmək niyyətini açıqlayıb. Norveçli mütəxəssisin Yaponiyanın “Urava Red Diamonds” klubunu çalışdıracağı gözlənilir.
Xatırladaq ki, “Qarabağ” Avroliqanın qrup mərhələsinin son turunda "Hekken"lə qarşılaşacaq. Dekabrın 14-də Tofiq Bəhramov adına Respublika stadionda keçiriləcək matç saat 21:45-də başlayacaq. Bu komandalar arasında İsveçdə oynanılan görüşdə Ağdam təmsilçisi 1:0 hesabı ilə qalib gəlib.
Bizi Telegram-da izləyin...
