"Liverpul" onu yenidən icarəyə göndərdiyini təsdiqlədi
"Liverpul" futbolçusu Fabio Karvalyonun "Hall Siti"yə icarəsi rəsmiləşib.
Redaktor.az Mersisayd təmsilçisinə istinadən xəbər verir ki, portuqaliyalı yarımmüdafiəçi bu mövsümün sonuna kimi icarə əsasında Çempionşip təmsilçisində çıxış edəcək.
Qeyd edək ki, Karvalyo peşəkar karyerasına “Fulhem”də başlayıb. O, 2022-ci ilin yayında 5,9 milyon avroya "Liverpul"a keçib. Fabio komandanın heyətində 21 oyuna çıxıb və 1 qol vurub. Portuqaliyalı futbolçu 2023-cü ilin yayından dekabr ayınadək icarə əsasında "Leyptsiq"də oynayıb. Karvalyo bu müddət ərzində 15 görüşdə iştirak edib.
Xatırladaq ki, TV8 kanalının rəhbəri, türkiyəli məşhur aparıcı Acun Ilıcalı 2022-ci ilin yanvarında "Hall Siti"ni alıb. Komanda hazırda Çempionşipdə mübarizə aparır və 26 oyundan sonra turnir cədvəlində 39 xalla 7-cidir.
Bizi Telegram-da izləyin...
