Millimiz ikinci oyunda da məğlub oldu
20 yaşadək voleybolçu oğlanlardan ibarət Azərbaycan millisi Polşada keçirilən Şərqi Avropa Voleybol Zonal Assosiasiyası (EEVZA) çempionatında növbəti matçına çıxıb.
Redaktor.az-ın məlumatına görə, Səbuhi Əliyevin baş məşqçisi olduğu yığma Ukrayna ilə üz-üzə gəlib.
Görüş millimizin məğlubiyyəti ilə bitib - 0:3 (23:25, 9:25, 17:25).
Komandamız ötən gün Estoniyaya eyni hesabla uduzub.
U-20 turnirdə Latviya və Polşa kollektivləri ilə də qarşılaşacaq.
Qeyd edək ki, yanvarın 14-də başa çatacaq yarış AVRO-2024-ə seçmə xarakter daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.
Bizi Telegram-da izləyin...
