"Barselona" öz meydanında ağır məğlubiyyətə uğradı
Futbol üzrə İspaniya çempionatının 22-ci turunda “Barselona” öz meydanında “Vilyareal”a məğlub olub.
Redaktor.az-ın məlumatına görə, “Kamp Nou”da keçirilən matç 3:5 hesabı ilə başa çatıb.
Katalonların heyətində İlkay Gündoğan (60-cı dəqiqə), Pedri (68) fərqlənib, qonaqların müdafiəçisi Erik Beyi (71) isə avtoqol vurub. "Vilyareal"ın qollarını isə Xerar Moreno (41), İlyas Axomaş (54), Qonsalu Gedeş (84), Aleksandr Sörlot (90+9) və Xose Luis Morales (90+12) vurub.
Günün əvvəlki matçlarında "Real Madrid" "Las Palmas"ı 2:1, "Alaves" "Almeriya"nı 3:0 məğlub edib. "Real Sosyedad" - "Rayo Vallekano" görüşündə isə qapılara qol vurulmayıb.
Qeyd edək ki, turnir cədvəlinə 54 xalla "Real Madrid" rəhbərlik edir. "Jirona" 52 xalla ikincidir. "Barselona" 44 xalla üçüncü, "Atletiko" (Madrid) isə 41 xalla dördüncü pillədə qərarlaşıb. Xallarını 23-ə çatdıran "Vilyareal" 14-cü sıradadır.
Bizi Telegram-da izləyin...
