"Qarabağ"ın legioneri komandaya qoşuldu - FOTO
Bir müddətdir Kabo-Verde millisinin düşərgəsində olan "Qarabağ"ın futbolçusu Patrik Andrade komandaya qayıdıb.
Redaktor.az xəbər verir ki, klubun İdarə Heyətinin üzvü Asif Əsgərov bununla bağlı İnstaqram səhifəsində paylaşım edib.
Andradenin çıxış etdiyi Kabo-Verde millisi Afrika Millətlər Kubokunun 1/4 final mərhələsində mübarizəni dayandırıb. 30 yaşlı futbolçu buna görə "Qarabağ"a qoşulub.
Xatırladaq ki, Kabo-Verde millisi 1/4 finalda Cənubi Afrika yığması ilə qarşılaşıb. Penaltilər seriyasına qədər uzanan matçda Andradenin komandası uduzaraq turnirlə vidalaşıb. Həmin görüşdə Andrade de daxil olmaqla Kabo-Verdenin 4 futbolçusu penaltidən yararlana bilməyib. Bütün zərbələri rəqib qapıçısı Ronven Uilyams dəf edib.
Bizi Telegram-da izləyin...
