Ermənistanın basketbol komandaları Azərbaycanla qarşılaşacaq
Ermənistanın gənclərdən ibarət basketbol komandaları 2024-cü il Avropa çempionatında Azərbaycanla qarşılaşacaq.
Redaktor.az "Sputnik Armenia"ya istinadən xəbər verir ki, bu barədə Ermənistanın Təhsil, Elm, Mədəniyyət və İdman Nazirliyindən məlumat verilib.
Bildirilib ki, Ermənistan basketbol komandalarının 2024-cü il Avropa çempionatındakı rəqibləri məlum olub.
Püşkatma Almaniyanın Freising şəhərində baş tutub.
U-16 qadınlardan ibarət yığma C divizionunun A yarımqrupunda yer alıb və burada Gürcüstan, Azərbaycan və Kiprlə qarşılaşacaq. Qarşılaşmalar iyulun 9-14-də Cəbəllütariqdə keçiriləcək.
U-18 qadınlardan ibarət yığma C divizionunun B yarımqrupunda yer alır. Orada erməni qızlar Albaniya, Gürcüstan və Azərbaycanla oynamalı olacaqlar. Oyunlar iyulun 23-28-də Priştinada keçiriləcək.
Turan İSMAYIL
Bizi Telegram-da izləyin...
