“Zirə” darmadağınla yarımfinalda
Bu gün Azərbaycan kubokunun 1/4 final mərhələsinin cavab matçları keçirilir.
Redaktor.az xəbər verir ki, ilk matç “Zirə” ilə “Səbail” arasında baş tutub.
Səfərdə keçirilmiş ilk görüşdə qələbə qazanan “Zirə” üstünlüyünü qorumağa çalışıb. 3 cavabsız qola sevinən zirəlilər yarımfinala yüksəliblər.
Günün digər qarşılaşmasında cütün taleyi demək olar ki, bəllidir. Səfərdə “Sabah”a 7:1 hesabı ilə qalib gələn “Qarabağ” üçün cavab oyunu formal xarakter daşıyacaq.
Qeyd edək ki, yarımfinalın digər cütündə “Neftçi” “Sumqayıt”ı, “Qəbələ” “Araz-Naxçıvan”ı qəbul edəcək.
Azərbaycan kuboku
1/4 finalın cavab oyunları
8 fevral
“Zirə” – “Səbail” 3:0
Qollar: Abbas İbrahim, 4. Rəhim Sadıxov, 42. Rafael Utziq, 74.
Hakimlər: Elçin Məsiyev, Elşad Abdullayev, Pərvin Talıbov, Əli Əliyev.
Zirə İdman Kompleksinin stadionu
İlk oyun – 2:1
Bizi Telegram-da izləyin...
