"Barselona" səfərdə çətin qələbə qazandı
İspaniya La Liqasının XXV turunda "Barselona" səfərdə "Selta Viqo" ilə qarşılaşıb.
Redaktor.az xəbər verir ki, matç Kataloniya təmsilçisinin 2:1 hesablı qələbəsi ilə başa çatıb.
Hesabı 45-ci dəqiqədə "barselona"nın polşalı hücumçusu Robert Levandovski açıb. Meydan sahiblərinin cavab qolunu 47-ci dəqiqədə İaqo Aspas vurub.
Robert Levandovski 90+7-ci dəqiqədə penaltidən fərqlənərək komandasına qələbə qazandırıb.
Qeyd edək ki, turnir cədvəlinə 61 xalla "Real Madrid" rəhbərlik edir. "Jirona" 56 xalla 2-ci, "Barselona" isə 54 xalla 3-cüdür.
T.İSMAYIL
Bizi Telegram-da izləyin...
