UEFA-nın saytı "Qarabağ"dan yazdı
UEFA-nın rəsmi saytı “Qarabağ”ın Avropa Liqasının pley-off mərhələsinin ilk oyununda “Braqa" üzərindəki qələbəsindən (4:2) yazıb.
Redaktor.az xəbər verir ki, yazıda bildirilir: "Qarabağ” səkkizinci cəhdində bu mövsüm Avropa Liqasının qrupunu ilk iki yerdə başa vurdu. İlk pley-off matçları heç vaxt təsəvvür edə bilməyəcəkləri qədər yaxşı keçdi. Onlar möhtəşəm oyun nümayiş etdirdilər"
Yazıda qeyd olunub ki, Bakıda keçiriləcək cavab oyununda Ağdam təmsilçisinin görəcəyi çox iş var: “Qarabağ” tarixində ilk dəfə 1/8 final mərhələsinə yüksəlmək arzusundadır”.
Yazıda "Qarabağ"ın baş məşqçisi Qurban Qurbanovun "Braqa" ilə ilk görüşdən sonra söylədiyi fikirlərə də yer verilib: “Biz arxayın olmamalıyıq, cavab oyununa çox ciddi yanaşmalıyıq. “Braqa” kimi komandalar nəticəni çox tez öz xeyrinə çevirə bilər".
Bizi Telegram-da izləyin...
