Levandovski Messinin rekordunu qırdı
![](https://img.redaktor.az/news/2024/02/photo_232609.jpg?v=MDM6NTgyMDI0LTAyLTIyIDE0OjMzOjEw)
İspaniyanın "Barselona" futbol klubunun hücumçusu Robert Levandovski unikal nailiyyətə imza atıb.
Redaktor.az xəbər verir ki, polşalı futbolçu Çempionlar Liqasının 1/8 final mərhələsinin “Napoli” (1:1) ilə səfər matçında 60-cı dəqiqədə hesabı açıb.
Beləliklə, Levandovski (35 yaş 184 gün) tarixin ən nüfuzlu avrokubokunun pley-off mərhələsində “Barselona”nın heyətində ən yaşlı qol vuran futbolçu olub.
Kataloniya klubunun əvvəlki rekordçusu 2021-ci ilin martında PSJ-yə qarşı matçda 33 yaş 259 günündə qol vuran Lionel Messi idi.
Qeyd edək ki, Robert Levandovski 2022-ci ilin yayından "Barselona"da çıxış edir.