Messi komandasını məğlubiyyətdən xilas etdi - VİDEO
MLS-in adi mövsümündə "İnter Mayami" səfərdə "Los Anceles Qalaksi" ilə heç-heçə edib (1:1).
Redaktor.az "mail.ru"ya istinadən xəbər verir ki, hesabı 75-ci dəqiqədə Serb Qalaksi komandasının hücumçusu Deyan Yoveliç açıb.
Əlavə olunmuş vaxtın 2-ci dəqiqəsində “İnter Mayami” Lionel Messinin əməyi sayəsində hesabı bərabərləşdirməyi bacarıb. Ulduz argentinalı keçmiş “Barselona”dakı komanda yoldaşı Jordi Alba ilə ötürmə oynayıb, nəticədə meydan sahiblərinin müdafiəsini açaraq, onların qapısına zərbə endirməyi bacarıb.
Qeyd edək ki, 88-ci dəqiqədə “Qalaksi”nin yarımmüdafiəçisi Marko Delqado ikinci sarı vərəqə alıb və bu səbəbdən komandası matçı azlıqda başa vurub. 12-ci dəqiqədə meydan sahiblərinin yarımmüdafiəçisi Riki Puç penaltini dəqiq yerinə yetirə bilməyib.
İki matçdan sonra "İnter Mayami"nin dörd xalı var ki, bu da onu MLS Şərq Konfransının turnir cədvəlində birinci yerə çıxarır. Komanda növbəti oyununu bazar günü, martın 3-də evdə Orlando Siti ilə keçirəcək.
Həmidə İBRAHİMLİ
Bizi Telegram-da izləyin...
