Rusiyanın daha bir erməniəsilli idmançısı dopinqə görə cəzalandı
Beynəlxalq Ağırlıqqaldırma Federasiyası (IWF) Rusiyanın daha dörd ağırlıqaldıranını diskvalifikasiya edib.
Redaktor.az IWF-yə istinadən xəbər verir ki, Yevgeni Kolomiets 2, Eduard Mejqixov, erməniəsilli Aleksandr Safaryan və Vasili Polovnikov 4 illik cəzalandırılıblar.
Onlar Moskva antidopinq laboratoriyasının məlumat bazasına əsasən 2012-ci ildə yol verilən qanun pozuntularına görə cəzaya məruz qalıblar.
Kolomiets 2011-ci ildə gənclər arasında dünya çempionatında gümüş medal qazanıb. Mejqixov 2009-cu ildə gənclər arasında Avropa çempionu olub. Safaryan 2011-ci ildə gənclər arasında qitə yarışının vitse-çempionu, Polovnikov isə 2008-ci ildə Avropa çemionatının gümüş mükafatçısıdır.
Artıq bu idmançıların hamısı karyeralarını başa vurublar.
Xatırladaq ki, daha əvvəl Rusiyanın Avropa çempionu olmuş erməniəsilli idmançısı dopinqə görə diskvalifikasiya olunub.
Bizi Telegram-da izləyin...
