"Sabah bizi maraqlı və gözəl oyun gözləyir" - "Qarabağ"ın qapıçısı
Sabah bizi maraqlı və gözəl oyun gözləyir. Çünki növbəti mərhələyə vəsiqə qazana bilərik.
Redaktor.az-ın məlumatına görə, bunu "Qarabağ"ın qapıçısı Andrey Lunyov Almaniyada "Bayer 04" komandasına qarşı keçirəcəkləri Avropa Liqasının 1/8 final mərhələsinin cavab oyunundan əvvəl mətbuat konfransında deyib.
Rusiyalı qolkiper şansların bərabər olduğunu bildirib: "Bu, futboldur. Hər iki komandada 11 nəfər oynayır. Sabah əlimizə düşən şansdan istifadə etməyə və öz oyunumuzu sərgiləməyə çalışacağıq".
Qeyd edək ki, Leverkuzendəki qarşılaşma martın 14-də, Bakı vaxtı ilə saat 00:00-da başlayacaq. Bakıdakı ilk matç 2:2 hesabı ilə nəticələnib.
Bizi Telegram-da izləyin...
