Dünya çempionunun ailəsini ölümlə hədələyən dəstə SAXLANILDI
![](https://img.redaktor.az/news/2024/03/photo_236175.jpg?v=MDQ6MTQyMDI0LTAzLTI5IDE1OjIxOjMx)
Argentina millisinin futbolçusu Anxel Di Mariyanın ailəsini ölümlə hədələyən dəstənin üzvləri saxlanılıb.
Redaktor.az xarici mətbuata istinadən xəbər verir ki, dünya çempionuna hədə-qorxu gələn qrupun hər üç iştirakçısı Argentina hüquq-mühafizə orqanları tərəfindən həbs edilib.
Onlardan birinin evindən silah və narkotik maddə tapılıb. Onlar Portuqaliyanın “Benfika” klubunun yarımmüdafiəçisinin Rosariodan 20 kilometr aralıda yerləşən evinin yanına təhdid məktubu qoyublar.
Qeyd edək ki, Anxel Di Mariya 2022-ci ildə dünya çempionu olan Argentina millisinin heyətində yer alıb.