Lukaku Səudiyyə Ərəbistanı klublarına təklif edildi
"Çelsi" bu mövsüm "Roma"da icarə əsasında çıxış edən hücumçu Romelu Lukakunu yayda satmaq istəyir.
Redaktor.az İtaliya mətbuatına istinadən xəbər verir ki, London təmsilçisi 30 yaşlı oyunçunu satmaq məqsədi ilə Səudiyyə Ərəbistanı Futbol Federasiyası ilə əlaqə saxlayıb. Bildirilib ki, "Çelsi" Lukakunun Səudiyyə Ərəbistanı klublarından birinə satışından 60 milyon avro qazanmaq niyyətindədi.
London klubunun yayda bir neçə futbolçunu satmağı planlaşdırdığı və onların transferlərindən maksimum qazanc əldə etmək istədiyi vurğulanır.
Xatırladaq ki, bu mövsüm belçikalı Lukaku bütün turnirlərdə 38 matçda iştirak edib, 18 qol vurub və 4 qolun ötürməsini verib.
Bizi Telegram-da izləyin...
