Ferstappen Formula 1 Yaponiya Qran Prisinə vəsiqə qazandı
"Red Bull" komandasının hollandiyalı pilotu Maks Ferstappen Yaponiya Qran Prisinə - Formula 1 sinfi üzrə avtomobil yarışları üzrə dünya çempionatının dördüncü mərhələsinə vəsiqənin qalibi olub.
Redaktor.az xəbər verir ki, yarışlar Suzuka Circuit-də keçirilir.
İkinci nəticəni isə Ferstappenin komanda yoldaşı, meksikalı Serxio Peres göstərib. Üçüncü yeri "McLaren"dən britaniyalı Lando Norris tutub.
Yaponiya Qran Prisi yarışı aprelin 7-də keçiriləcək və Bakı vaxtı ilə saat 09:00-da başlayacaq.
Xatırladaq ki, Yaponiyada qələbələrin sayına görə rekordçu 6 dəfə fəxri kürsünün ən yüksək pilləsinə qalxan yeddiqat dünya çempionu alman Mixael Şumaxerdir. Hazırkı sürücülərdən britaniyalı Lyuis Həmilton burada beş dəfə, ispaniyalı Fernando Alonso və Ferstappen hərəyə iki dəfə, Finn Valtteri Bottas isə bir dəfə qalib gəlib.
Turan İSMAYIL
Bizi Telegram-da izləyin...
