“Neftçi”nin hücumçusuna 4 oyunluq cəza verildi

 22:48 09.04.2024     459

AFFA İntizam Komitəsi "Neftçi-2"nin futbolçusu Ağadadaş Salyanskini cəzalandırıb.

Redaktor.az AFFA-nın saytına istinadən  xəbər verir ki, Əvəzedicilər Liqasında “Sumqayıt-2” ilə matçın 90+5-ci dəqiqəsində qeyri-etik ifadə və ya hərəkətə (rəsmi şəxsə qarşı qeyri-etik jest etdiyinə görə) yol verən hücumçuya 4 oyunluq cəza verilib.

"Neftçi" isə buna görə 300 manat cərimələnib. 

Qeyd edək ki, Ağadadaş Salyanski hazırda 28 qolla əvəzedicilər liqasının bombardiridir.