"Bayer" tarixində ilk dəfə Almaniya çempionu oldu
Bu gün Almaniya Bundesliqasında mövsümün qalibi müəyyyənləşib.
Redaktor.az xəbər verir ki, "Bayer" sona 5 tur qalmış çempionluğu rəsmiləşdirib.
Xabi Alonsonun komandası 29-cu turda "Verder"i qəbul edib. Leverkuzen təmsilçisi rəqibini 5 cavabsız qolla üstələyib. "Bayer" sona 5 tur qalmış xallarının sayını 79-a çatdırıb və 2-ci yerdəki "Bavariya"nı 16 xal qabaqlayıb. Nəticədə komanda tarixində ilk dəfə Almaniya çempionu olub.
Həmçinin "Bayer" məğlubiyyətsiz oyunlar seriyasını 43-ə çatdırıb. Eyni zamanda "Bayer" Bundesliqada ardıcıl 10 matçda qalib gəlib.
"Bayer" - "Verder" - 5:0
Qollar: Bonifase, 25-pen; Caka, 60, Virtz, 68, 83, 90
Bizi Telegram-da izləyin...
