"Qarabağ"a qalib gələn futboçulara 3 min manat verildi

 14:35 01.05.2024     178

Premyer Liqada 32-cü turun sensasiyasına «Sumqayıt» imza atdı.

Redaktor.az xəbər verir ki, «Gənclik şəhəri» təmsilçisi hesabat həftəsində «Qarabağ»ı məğlub etdi.

Doğma şəhərdə keçirilən qarşılaşmanı Roy Kehatın yeganə qoluyla qazanan «kimyaçılar» xal ehtiyatını 50-yə çatdırdı və turnir cədvəlində 2-ci pilləyə yüksəldi.

Avrokuboklara vəsiqə almaq şansını bir qədər də artıran sumqayıtlılar yüksək məbləğdə mükafat əldə edib.

Əsas heyətdə meydana çıxanların hər birinə 3000 manat ödənilməsi qərara adınıb.