UEFA-dan Konfrans Liqasının final qarşılaşması üçün DƏYİŞİKLİK
![](https://img.redaktor.az/news/2024/05/photo_240777.jpg)
UEFA Konfrans Liqasında final qarşılaşmasının keçiriləcəyi stadion dəyişdirilə bilər.
Redaktor.az "NS-INFO"ya istinadən xəbər verir ki, Yunanıstanın paytaxtı Afinadakı "Ayasofya" arenasında keçiriməsi planlaşdırılan final görüşünün təhlükəsizlik tədbirləri səbəbindən Macarıstanda oynanılması ehtimalı var.
Yerli hüquq-mühafizə orqanları ölkədə qeyri-sabit siyasi vəziyyətə görə azarkeşlərin təhlükəsizliyinə təminat verə bilmir. Bu səbəbdən matç Budapeştəki "Puşkaş Arena"da baş tuta bilər.
Qeyd edək ki, Konfrans Liqasının finalında "Olimpiakos" və "Fiorentina" kollektivləri üz-üzə gələcək. Matç mayın 29-u saat 23:00-da start götürəcək.