Messinin 11 oyunluq seriyası başa çatdı

 16:12 12.05.2024     240

Məşhur futbolçu Lionel Messinin də formasını geyindiyi "İnter Mayami" MLS-də növbəti oyununa çıxıb.

Redaktor.az xəbər verir ki, komanda “Monreal İmpakt”la qarşılaşıb. Görüş Kanadanın Monreal şəhərindəki "Saputo" stadionunda  keçirilib. Matç "İnter Mayami"nin 3:2 hesablı qələbəsi ilə başa çatıb.

Argentinalı hücumçu, “İnter Mayami”nin kapitanı Lionel Messi start heyətdə meydana çıxıb və sonadək oynayıb. O, bu oyunda fərqlənə bilməyib. Beləliklə, Messi 11 oyunluq qol seriyasına son qoyulub. Əvvəlki 11 görüşün hər birində Messi qol vurub və ya məhsuldar ötürmə edib.

Hazırda "İnter Mayami" 13 matçdan sonra 27 xalla MLS turnir cədvəlində birinci yerdədir. 12 xalı olan “Monreal İmpakt” 20-ci pillədədir.