Atletimiz Özbəkistanda qızıl medal qazandı
Atletika üzrə Azərbaycan millisinin üzvləri Özbəkistanın paytaxtı Daşkənddə keçirilən Açıq Mərkəzi Asiya çempionatının ikinci günündə də uğurlu çıxışlarını davam etdiriblər.
Redaktor.az-ın məlumatına görə, üç təkanla tullanma yarışında Rüstəm Məmmədov 15.93 metr göstərici ilə yadda qalıb.
Bu nəticə ilə bütün rəqiblərini geridə qoyan atlet yarışın qalibi olub.
Bu növdəki digər təmsilçimiz Cabir Əliyev 7-ci yeri tutub.
Xatırladaq ki, yarışın ilk günündə Nazim Babayev uzunluğa tullanmada 2-ci olub.
Bizi Telegram-da izləyin...
