Abdullah Zubir qayıtdı, bəs Kadi? - SON DURUM
"Qarabağ"la müqaviləsinin müddəti başa çatan və komandanın bir müddətdir başlayan məşqlərinə qoşulmayan Abdullah Zubir Azərbaycana qayıdıb.
Redaktor.az xəbər verir ki, o, artıq komandanın bugünkü məşqində də iştirak edib.
Məlumatı Ağdam təmsilçisinin baş direktoru Əmrah Çəlikəl təsdiqləyib.
Təcrübəli futbolçunun yeni müqaviləsinin müddəti 2026-cı ilə kimi olacaq. Onun illik məvacibi isə 1 milyon manat civarında olacaq.
2023-cü ilin yanvarında "Krasnodar"a satılan Kadiyə gəlincə, 27 yaşlı yarımmüdafiəçi ilə danışıqlar davam etdirilir. Rusiya klubundan ayrılmaq istədiyini rəhbərliyə çatdıran braziliyalının qarşıdakı mövsümə "köhlən-atlar"ın sıralarında başlamaq ehtimalı az deyil. Bu yöndə hər şey yaxın günlərdə dəqiqləşəcək.
Qeyd edək ki, "Qarabağ" 32 yaşlı Zubirə 2+1 illik müqavilə təklif edib.
Bizi Telegram-da izləyin...
