Kral Avro-2024 finalından əvvəl İngiltərə komandasına müraciət etdi
Böyük Britaniyanın kralı III Çarlz Avro-2024 finalı öncəsi İngiltərə futbol komandasına müraciət edib.
Redaktor.az xəbər verir ki, bəyanat kral ailəsinin saytında dərc olunub.
III Çarlz özü, Kraliça Konsorti Kamilla və kral ailəsi adından milli komandanı Avropa çempionatının final mərhələsinə yüksəlməsi münasibətilə təbrik edib. O, komandanı son dəqiqə möcüzə qolları və ya penalti dramaları olmadan həlledici matçda qalib gəlməyə çağırıb.
İyulun 10-da baş tutan yarımfinal matçında İngiltərə yığması son dəqiqələrdə Hollandiyaya qalib gəlib. Dortmunddakı stadionda keçirilən görüş 2:1 hesabı ilə başa çatıb. Qaliblərə Harri Keyn (penalti) və Olli Uotkins imza atıb.
Yusif EYVAZLI
Bizi Telegram-da izləyin...
