"Qarabağ" darmadağınla ÇL-nin pley-off mərhələsində - YENİLƏNİB
Oyun başa çatdı. "Qarabağ" rəqibini 7:2 hesabı ilə məğlub edərək Çempionlar Liqasının pley-off mərhələsinə yüksəldi.
Redaktor.az xəbər verir ki, komandamızın heyətində qolları Olavio Juninyo, Yassin Benzia (2 qol), Toral Bayramov, Redon Cica və Patrik Andrade (2 qol) vurublar.
Qeyd edək ki, “Qarabağ” Çempionlar Liqasının pley-off mərhələsində Xorvatiyanın “Dinamo”(Zaqreb) komandası ilə üz-üzə gələcək.
00:37
"Qarabağ" 7-ci qolunu vurdu.
00:31
"Qarabağ" 6-cı qolu rəqib qapısından keçirdi.
00:30
"Qarabağ" 5-ci qolu rəqib qapısından keçirdi.
00:07
Toral Bayramov "Qarabağ"ın 4-cü qolunu vurdu.
00:04
“Qarabağ” - “Ludoqorets” matçında əlavə hissələr başlayıb.
23:59
"Ludoqorets" (Bolqarıstan) - "Qarabağ" matçında 90 dəqiqə başa çatıb.
"Ludoqorets Arena"dakı oyunun əsas vaxtı təmsilçimizin qələbəsi ilə başa çatıb - 3:2.
Tofiq Bəhramov adına Respublika stadionunda baş tutan ilk oyunda qonaqlar 2:1 hesabı ilə qalib gəldiyi üçün ümumi hesab bərabərləşib.
Qarşılaşmanın taleyi hər biri 15 dəqiqədən ibarət iki əlavə hissədə də həll olunmasa, penalti zərbələrinə ehtiyac duyulacaq.
23:08
UEFA Çempionlar Liqasının III təsnifat mərhələsinin cavab oyunu çərçivəsində "Ludoqorets" (Bolqarıstan) - "Qarabağ" matçında ikinci hissə başlayıb.
22:53
UEFA Çempionlar Liqasının III təsnifat mərhələsinin cavab oyunu çərçivəsində "Ludoqorets" - "Qarabağ" matçında ilk hissə başa çatıb.
"Ludoqorets Arena"dakı oyunda təmsilçimiz üçüncü qolu vuraraq fasiləyə üstün yollanıb - 3:2.
45+5-ci dəqiqədə Patrik Andrade adını tabloya yazdırıb.
22:48
"Ludoqorets" - "Qarabağ" matçında hesab bərabərləşib.
"Ludoqorets Arena"dakı oyunda təmsilçimiz hesaba tarazlıq gətirib - 2:2.
45+1-ci dəqiqədə Yasin Benziya penalti zərbəsini dəqiq yerinə yetirib.
22:26
"Ludoqorets" - "Qarabağ" matçında üçüncü qol vurulub.
"Ludoqorets Arena"dakı oyunda meydan sahibləri hesabda önə keçib - 2:1.
23-cü dəqiqədə penalti zərbəsini dəqiq yerinə yetirən Dua Kvadvo dubl müəllifi olub.
22:17
"Ludoqorets" - "Qarabağ" matçında ikinci qol vurulub.
"Ludoqorets Arena"dakı oyunda meydan sahibləri hesabı bərabərləşdirib - 1:1.
13-cü dəqiqədə Dua Kvadvo dəqiq zərbə müəllifi olub.
22:09
"Ludoqorets" - "Qarabağ" matçında hesab açılıb.
"Ludoqorets Arena"dakı oyunda Azərbaycan klubu hesabda önə çıxıb.
7-ci dəqiqədə Juninyo fərqlənib.
22:00
UEFA Çempionlar Liqasının III təsnifat mərhələsinin cavab oyunu çərçivəsində "Ludoqorets" (Bolqarıstan) - "Qarabağ" matçı start götürüb.
Redaktor.az xəbər verir ki, qarşılaşma "Ludoqorets Arena"da keçirilir.
Matçı italiyalı baş hakim Simone Soçça idarə edir.
Xatırladaq ki, Tofiq Bəhramov adına Respublika stadionunda baş tutan ilk oyunda qonaqlar 2:1 hesablı qələbəyə seviniblər.
Bizi Telegram-da izləyin...
