"Bu gün bəlkə də Bəhlul olsaydı, biz qalib gələrdik..." - "Qarabağ"ın baş məşqçisi
"Bəhlul digər oyunlarda daha yaxşı nəticələr göstərsə də, bu gün digər oyunçuların əsas heyətdə olmasını məsləhət bildik. Bu gün bəlkə də Bəhlul olsaydı, biz qalib gələrdik, yaxud əksinə olması barədə fikrim yoxdur".
Redaktor.az xəbər verir ki, bu sözləri "Qarabağ"ın baş məşqçisi Qurban Qurbanov "Ayaks"la oyundan sonra mətbuat konfransında "Bəhlul Mustafazadə əsas heyətə buraxılsaydı, daha yaxşı nəticələr olmazdı?" sualını cavablandırarkən dedi.
"Ancaq bu gün Bədavi ilə Kevin əsas heyətdə oynamağa daha layiq idi", - deyə baş məşqçi bildirib.
Xatırladaq ki, UEFA Avropa Liqasının əsas mərhələsinin üçüncü turunda Bakıda üz-üzə gələn “Qarabağ” və “Ayaks” (Niderland) komandaları arasında matç rəqibin 3:0 hesablı qələbəsi ilə bitib.
Sevinc İBRAHİMZADƏ
Bizi Telegram-da izləyin...
