İspaniya nəşri Mbappeni tənqid etdi - "Uğursuzluq"
İspaniyanın “AS” nəşri “Barselona” ilə oyunda paytaxt klubunun məğlubiyyətindən sonra “Real Madrid”in fransalı hücumçusu Kilian Mbappeni tənqid edib.
Redaktor.az xatırladır ki, İspaniya çempionatının 11-ci turu çərçivəsində baş tutan oyun 4:0 hesabı ilə kataloniyalıların xeyrinə başa çatıb.
“Mbappenin "El Klasiko"da debütü uğursuz oldu. O, zəif oynadı və səkkiz dəfə ofsaydda qaldı. Kilian qorxaq görünürdü”, - məqalədə deyilir.
2024-cü ilin yay transfer pəncərəsində "Real Madrid"ə keçən Mbappe effektli ola bilməyib.
Qeyd edək ki, "Real Madrid" - "Barselona" matçının ilk hissəsində azarkeşlər qol görməyiblər. İkinci hissədə polşalı hücumçu Robert Levandovski 54 və 56-cı dəqiqələrdə fərqlənərək iki dəqiqə ərzində dubl edib. 77-ci dəqiqədə Lamin Yamal qol vurub, Rafinya isə matçın sonunda yekun hesabı müəyyənləşdirib.
İspaniya çempionatının turnir cədvəlində "Barselona" 30 xalla birinci yerdədir. “Real” 24 xalla ikinci pillədə qərarlaşıb. İlk üçlüyü 21 xalla “Vilyarreal” qapayır.
Turan İSMAYIL
Bizi Telegram-da izləyin...
