Əliyar Ağayev Çempionlar Liqasında
Azərbaycanın FIFA referisi Əliyar Ağayev Çempionlar Liqasına təyinat alıb.
Redaktor.az xəbər verir ki, bu barədə AFFA məlumat yayıb.
Referi UEFA Çempionlar Liqasının Liqa mərhələsinin IV turunda keçiriləcək “Bolonya” (İtaliya) – “Monako” (Fransa) oyununun baş hakimi olacaq.
Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. Matçın VAR hakimləri Almaniyadan Paskal Müller və Kristian Dingert olacaq.
Noyabrın 5-də Bolonya şəhərində yerləşən “Renato Dall-Ara” stadionunda keçiriləcək görüş Bakı vaxtı ilə saat 00:00-da başlayacaq.
Bizi Telegram-da izləyin...
