İkinci hissənin ortalarında komandamızda boşluqlar yarandı - Qurban Qurbanov
"Azarkeşlərə dəstəkləri üçün təşəkkür edirəm. Oyuna gəldikdə isə hesab üzücü oldu".
Redaktor.az xəbər verir ki, bu sözləri "Qarabağ"ın baş məşqçisi Qurban Qurbanov "Qarabağ" - "Lion" oyunundan sonra keçirilən mətbuat konfransında deyib.
O bildirib ki, ikinci hissənin ortalarında komandamızda boşluqlar yarandı və rəqibin sürətli hücumlarının qarşısını ala bilmədik:
"Oyundan razı qaldım. Çünki bilirdik ki, qarşımızda necə bir klub var. Amma hesab oyuna görə olmadı".
Baş məşqçi qarşıdakı oyunlara güclü hazırlaşmalı olduqlarını deyib:
"Yaranan qollara bəxstizlik demək istəmirəm. Elə epizodlar var idi ki, bir neçə dəfə qapı dirəyindən döndük. Rəqib bizim qol vuracağımız hallardan istifadə etməyi bacardı. Onların potensialı daha yuxarı idi".
Sevinc İBRAHİMZADƏ
Bizi Telegram-da izləyin...
