"Bu, mənim üçün ən çətin məsələlərdən biridir" - "Qarabağ"ın baş məşqçisi
"Dəyişiklik etmək mənim üçün ən çətin məsələlərdən biridir. Hətta qalib gəlsək belə. Oyun elə gedirdi ki, mütləq dəyişiklik etmək lazım idi. Rəqib də bundan istifadə etdi".
Redaktor.az xəbər verir ki, bu sözləri "Qarabağ"ın baş məşqçisi Qurban Qurbanov jurnalistlərə açıqlamasında "Qarabağ" - "Lion" oyununun ikinci yarısında edilən dəyişikliklər barədə danışarkən deyib:
"Birinci qol sadəcə texniki səhv idi. Hər iki qoldan əvvəl biz qol vurmaq istəyirdik, lakin rəqib bu fürsəti dəyərləndirə bildi".
Baş məşqçi bildirib ki, gələn oyunlarla bağlı şanslarımız hələ də var:
"Rəqiblərimiz bizə daha ciddi yanaşırlar. Həm də futbolun dinamikası, ustalığı onlarda daha üstün səviyyədədir. Bizim daha yaxşı oyunlarımız olub. Qarşıdakı oyunlar çətin görünsə də, biz mübarizə aparacağıq".
Sevinc İBRAHİMZADƏ
Bizi Telegram-da izləyin...
