Futbolçularımızdan tələb edirəm ki... - Qurban Qurbanov
"Juninyonun performansı yaxşı idi, amma belə rəqiblərə qarşı oyunçularımız daha da hərəkətli olmalıdırlar".
Redaktor.az xəbər verir ki, bu sözləri "Qarabağ"ın baş məşqçisi Qurban Qurbanov Avropa Liqasında Avropa Liqasında Fransanın "Lion" komandasına qarşı keçirdikləri oyundan sonrakı mətbuat konfransında deyib:
"Futbolçularımız hətta qalib gəldikdə belə mən bəzən narazılıq bildirmişəm. Bu həm fərdi, həm də kollektiv şəkildə olub. Ancaq bu oyunda mən futbolçularımıza narazılıq bildirməmişəm. Lazım olanda etirazımızı, cərimələrimizi edirik. Bu bizim iş prinsipimizdir. Mən bu futbolçulara təşəkkür edirəm ki, neçə illərdir bu səviyyəni qoruyub saxlayırlar".
Mütəxəssis qeyd edib ki, oyuncularımız elə komandalara qarşı oynayırlar ki, bu, onlara da həyəcan verir:
"Rəqiblərin gücü hər cəhətdən bizdən çox olsa da, biz hər çətinliyə rəğmən onlara qarşı oynayırıq. Futbolçularımızdan istəyirəm ki, cəsarətli olsunlar və istənilən rəqibin üzərinə getməkdən çəkinməsinlər. Biz qorxaraq oynasaydıq, bu nəticələri əldə edə bilməzdik. Futbolçularımızdan hər zaman daha yaxşı oynamaqlarını tələb edirəm".
Sevinc İBRAHİMZADƏ
Bizi Telegram-da izləyin...
