Premyer Liqa təmsilçisinin üzvünə 3 ölkədən təklif var
Premyer Liqada bu mövsümün sürpriz komandası "Araz-Naxçıvan"dır.
Redaktor.az xəbər verir ki, "boz qurdlar" hazırda çempionatın lideridir.
Bu məqam başqa klubların Naxçıvan təmsilçisinin futbolçularına maraq göstərməsinə səbəb olub. Artıq indidən "qırmızı-bəyazlar"ın üzvlərini istəyənlər var.
Bunlardan biri Felipe Santosdur. Premyer Liqanın bombardirinin 3 ölkədən təklifi var. Söhbət Türkiyə, Rusiya və Yunanıstandan gedir. Adı bəlli olmayan klublar qış "transfer pəncərəsi"ndə vinger üçün "Araz-Naxçıvan"a rəsmi təklif ünvanlayacaq.
Qeyd edək ki, 15 oyuna 8 qol vurub, 1 məhsuldar ötürmə edən Felipe Santosun Naxçıvan təmsilçisi ilə 2025-ci ilin iyununa qədər müqaviləsi var.
Bizi Telegram-da izləyin...
