Neymar yenidən Messi ilə komanda yoldaşı ola bilər
Səudiyyə Ərəbistanının “Əl-Hilal” və Braziliya milli futbol komandasının hücumçusu Neymar ABŞ-nin “İnter Mayami” klubuna keçə bilər.
Redaktor.az xəbər verir ki, bu barədə İsveçrənin "Sky Sport" nəşri xəbər yayıb.
Məlumata görə, futbolçu komanda yoldaşlarına yayda argentinalı Lionel Messinin oynadığı “İnter Mayami”yə, eləcə də “Barselona”ya keçmək istədiyini bildirib. Səudiyyə Ərəbistanında bildirilib ki, Neymar bu yolla maaş artımına nail olmaq üçün “Əl-Hilal”a təzyiq etmək istəyir.
Neymar 2023-cü ilin yayında 90 milyon avroya Fransanın PSJ klubundan "Əl-Hilal"a keçib, o, yeni komandasında 5 oyun keçirib və bir qol vurub.
Bizi Telegram-da izləyin...
