Vinisius bu kobudluğuna görə 12 oyuna qədər diskvalifikasiya oluna bilər
İspaniyanın "Real Madrid" klubunun futbolçusu Vinisius Junior 4-12 oyun arası diskvalifikasiya oluna bilər.
Redaktor.az "Mundo Deportivo"ya istinadla xəbər verir ki, "Kral klubu"nun vinqeri ötən gün La Liqanın XVII turundan təxirə salınan matçda "Valensiya"nın qapıçısı Stole Dimitrievskini itələyərək yerə yıxıb.
Bu hərəkətinə görə birbaşa qırmızı vərəqə ilə meydandan qovulan 24 yaşlı oyunçunun cəzası yaxın günlərdə dəqiqləşəcək.
Qeyd edək ki, qarşılaşma 2:1 hesabı ilə "Real"ın xeyrinə başa çatıb.
Bizi Telegram-da izləyin...
